खिलराजलाई प्रधानमन्त्री बनाए देशमा बिष्फोट हुन्छः बिप्लव
२० फागुन, काठमाडौं । नेकपा-माओवादीका सचिव नेत्रविक्रम चन्द विप्लवले प्रधानन्यायाधीश खिलराज रेग्मी प्रधानमन्त्री भए देशमा भाडबैलो मात्र मच्चिने चेतावनी दिनु भएको छ ।
‘खिलराज निकास होइनन्, भाडभैलो मात्र हुने हो’ क्रान्तिकारी पत्रकार महासंघ, कास्कीले आइतबार पोखरामा आयोजना गरेको पत्रकार सम्मेलननमा बिप्लवले भन्नुभयो-’उनी प्रधानमन्त्री भए त्यसले के हुन्छ भन्नै सकिन्न । देशमा ठुलो बिष्फोट हुने छ ।’ कस्तो र के बिष्फोट भन्ने बिषय भने खुलाउनु भएन ।
देशलाई असफल बनाउने षड्यन्त्रका साथ प्रधानन्यायाधीशलाई प्रधानमन्त्री बनाउने प्रस्ताव आएको बिप्लवले बताउनु भयो । एमाओवादी, कांग्रेस, एमाले र मधेसी मोर्चाले खिलराजलाई देशको जिम्मा लगाएर विचित्र गर्न खोजेको र प्रधानन्यायाधीश पनि विचित्रको भएको उहाँको भनाई थियो ।
कांग्रेस र एमालेले आत्मसर्मपण गरेको उहाँको आरोप छ । ‘प्रचण्ड र बावुराम त पहिले नै आत्मसर्मणवादी भएका हुन्, कांग्रेस र एमाले पनि भए ।’ उहाँले भन्नुभयो ।
No comments:
Post a Comment