कमिसन बृद्धिको माग राख्दै व्यवसायीले पेट्रोल पम्प बन्द गर्ने
२० फागुन, काठमाडौं । कमिसन बढाउनु पर्ने माग राख्दै पेट्रोलियम डिलर्स एसोसिएसनले देशभरका पम्प बन्द गर्ने निर्णय गरेको छ । आईओसीले आपूर्ति कटौती नगर्ने निर्णय गरे लगतै व्यवसायीहरुले पम्प बन्द गर्ने निर्णय गरेपछि उपभोक्ता भने मार्कामा पर्ने भएका छन् ।
चारबुँदे माग राख्दै भोलि सोमबारबाट नेपाल आयल नियमसँग तेल नकिन्ने निर्णय भएको महासचिव विश्वप्रसाद अर्यालले जानकारी दिनुभयो । ‘महंगीका आधारमा सञ्चालन खर्च बढाउनु पर्यो भन्ने हाम्रो माग हो’ उहाँले भन्नुभयो-’भोलिबाट खरिद नगर्ने निर्णय भएको छ । भएको स्टक बेच्छौं र सकिएपछि पम्प बन्द हुन्छ । बन्द नगरी माग नसुन्ने भएकाले यस्तो निर्णय गर्नु परेको हो ।’
यसअघि बक्यौता नतिरेको भन्दै इण्डियन आयल कर्पोरेसन आईओसीले गत सोमबारबाट आपूर्ति २५ प्रतिशतले कटौती गरेको थियो । तर, आयल नियमले पैसा पठाउने प्रतिवद्धता जनाएपछि आईओसी सोमबार मात्र आपूर्ति सहज बनाउन सहमत भएको थियो ।
No comments:
Post a Comment